Rutong-id-Penyair Maluku Eko Saputra Poceratu mempersembahakan sebuah puisi kepada Negeri Rutong pada acara Pesona Negeri Rutong Minggu 19 Februari 2023. Puisi yang berjudul “Batu-batu Api” membuat semua pengunjung terpaku Ketika Eko Saputra Poceratu membacakannya.
“Puisi ini saya buat untuk Negeri Rutong, isinya tentang adat dan budaya Negeri Rutong, Negeri ini menciptakan sejarah,kreatifitas,produk, dan persatuan.Ini menjadi bukti bahwa, segala sesuatu bisa dilakukan dengan kolaborasi antara manusia dan kebudayaan.Kebudayaan adalah identitas penting untuk memajukan Negeri tanpa harus meninggalkan identitas kearifan lokal” pungkasnya setelah selesai membacakan puisi itu di Pantai Negeri Rutong.
Para pengunjung khususnya Masyarakat Negeri Rutong merasa merinding dengan setiap bait yang dibacakan, bahkan ada yang meberikan seruan setiap kali eko Saputra poceratu menyebutkan nama-nama tempat di Negeri Rutong.
Berikut ini adalah Naskah Lengkap Puisi “Batu-Batu Api” Eko Saputra Poceratu.
BATU-BATU API
Deng nyali dari Nusa Ina, moyang Matuwaruhu datang
Deng seribu sagu, mange-mange, mandi mantra – mantra
Langit buka pintu, tanah buka jalang
Lautang buka arus, matahari panggel bulan
Aer turung aer nae, musim timur musim barat
Ombak picah karang, adat tetap adat
Cucu atap bulu sero, skali maju jang coba toro
Angin seng bisa patah, kapata seng bisa ero
Pulaka buka tangang, cengke pala buka bunga
Mae Lopurisa Uritalai kasi manyala ini negeri
Nyali api, hati api, kamong batu-batu api
Kasi tarang mata-mata rumah, kasi mati galap sunyi
Ini hari biking sejarah, dari Somalopu maliliwai kasi babunyi
Mae Lopurisa Uritalai negeri ribuan sagu
Sagu di tanah, sagu di jantong, sagu di hati, putih barsih
Duri seng biking luka, akar jaga ikatan, daong jadi sombar
Mari anyam mimpi, satu ika satu, kasi mandidih aer mata
Jang pernah taku omba, ada Rajuno Hitipori
Jang taku angin, ada Titasomi, Mabuasa, Pelel, bukit tinggi
Jang pernah taku arus, jang taku aus, ada Mandoi
Jang pernah taku tinggalam, katong ini hatu rutui
Bagara satu suara, bakira satu arah, ada Maspaitella
Seng mungkin ilang jalang, percaya tanah cinta, ada Makatita
Seng perlu taku apa-apa, slalu datang penjaga, ada Talahatu (nah)
Katong aman muka blakang, percaya samua par Lessy Lawalata (sa)
Kalo su kuat macam ini, seng perlu pikir itu deng ini
Hidop karas macam batu, mar hati lombo macam papeda, (inga ini)
Ana-ana muda satu gusepa, sambung tujuang deng gaba-gaba, (pegang ini)
Orang tua kasi dudu kamudi, generasi jadi juru mudi (kolaborasi)
Kalau nanti hidop datang masalah, jang baku kasi salah
Hari-hari macam tomi-tomi, ada manis, ada asam
Mar percaya, Rutong dilahirkan untuk hal-hal basar
Angka galas sopi, biking sumpah, berjuang seng gometar
Taruh dalam hati - "Nuru Aman Mena Muri"
Apapun terjadi, tetap badiri!
Rutong 19 Februari 2023